មិត្តភក្តិរបស់អ្នកយកព័ត៌មានដែលបាត់ខ្លួនខឹងនគរបាលថា គ្មានឆន្ទៈសើុបអង្កេត
មិត្តភក្តិរបស់អ្នកយកព័ត៌មានជនជាតិកាណាដា លោក ដេវ វ៉កឃើ ដែលបាត់ខ្លួនយ៉ាងអាថ៌កំបាំងកាលពីក្នុងខែកុម្ភៈ និងដែលត្រូវបានគេប្រទះឃើញស្លាប់នៅក្នុងខេត្តសៀមរាប កាលពីសប្តាហ៍មុននោះ បានសម្តែងកំហឹងកាលពីម្សិលមិញ ចំពោះនគរបាលកម្ពុជាដែលគ្មានឆន្ទៈសើុបអង្កេតការស្លាប់បុរសវ័យ៥៨ឆ្នាំរូបនេះ។ រយៈពេលពីរខែកន្លះបន្ទាប់ពីអ្នកយកព័ត៌មានរូបនេះបាត់ខ្លួនក្រោយដើរកម្សាន្ត ក្មេងប្រុសពីរនាក់បានប្រទះឃើញសាកសពរបស់លោកនៅក្នុងតំបន់ព្រៃមួយនៅជិតប្រាសាទអង្គរធំកាលពីថ្ងៃទី១ ខែឧសភា។ លោក ធើរី ខមែន (TerryCorman) ជាមិត្តភក្តិមួយជីវិតរបស់សាកសពនេះបានលើកឡើងតាមអីុម៉េលថា តាំងពីពេលនោះមក នគរបាលមានការចាប់អារម្មណ៍តិចតួចណាស់ក្នុងការសើុបអង្កេត។ លោកបានឲ្យដឹងថា “យើងជាមិត្តភក្តិរបស់លោក ដេវីដ នៅទូទាំងពិភពលោកសុទ្ធតែខ្វល់ខ្វាយអំពីអ្វីដែលបានកើតឡើងរយៈពេល១១សប្តាហ៍កន្លងមកនេះ”។ លោកបានបន្ថែមថា ការសន្មតរបស់នគរបាលដែលថា មិត្តភក្តិរបស់លោកបានដើរចម្ងាយ១៣គីឡូម៉ែត្រទៅប្រាសាទអង្គរធំនោះ មិនសមហេតុផលឡើយ ពីព្រោះគាត់ឈឺជង្គង់ មិនអាចដើរបានឆ្ងាយទេ។ …
Simon Henderson និង បែន សុខហ៊ាន
http://www.cambodiadailykhmer.com/news/14182/
